സാധാരണയായി ഗൂഗിള്‍ പ്ലേസ്റ്റോറില്‍ നിന്നും ഒരു അപ്ലിക്കേഷന്‍ ഫോണില്‍ ഡൌണ്‍ലോഡ് ചെയ്യുമ്പോള്‍ അവ ഓട്ടോമാറ്റിക് ആയി ഇന്‍സ്റ്റോള്‍ ആവുന്നതാണ് പതിവ്. എന്ന് പറഞ്ഞാല്‍ ഇന്‍സ്റ്റാലെഷന്‍ ഫയല്‍ വേറെ കിട്ടില്ലെന്നര്‍ത്ഥം. ഇതിന്‍റെ ഒരു പ്രശ്നം നമ്മള്‍ പിന്നീടു വീണ്ടും ഈ ആപ്പ് ഇന്‍സ്റ്റാള്‍ ചെയ്യേണ്ടി വരുമ്പോള്‍ ഇന്റര്‍നെറ്റ്‌ കണക്ട് ചെയ്തു വീണ്ടും ഡൌണ്‍ലോഡ് ചെയ്യണം. മാത്രവുമല്ല ഇന്റര്‍നെറ്റ്‌ ചാര്‍ജ് വേറെയും വരും. എന്നാല്‍ ഇതിന്‍റെ ഒരു apk ഫയല്‍ ആദ്യമേ ഡൌണ്‍ലോഡ് ചെയ്തു ഫോണില്‍ സൂക്ഷിക്കുകയാണെങ്കില്‍ നമുക്ക് എത്ര പ്രാവശ്യം വേണമെങ്കിലും പ്ലേസ്റ്റോറില്‍ പോകാതെയും, ഇന്റര്‍നെറ്റ്‌ കണക്ട് ചെയ്യാതെയും ഈ ആപ്പ് നമ്മുടെ ഫോണില്‍ ഇന്‍സ്റ്റാള്‍ ചെയ്യാനാകും. ഇതെങ്ങനെ ചെയ്യാം എന്നതാണ് താഴെ വിവരിക്കാം.

സ്റ്റെപ്പ് 1. ആദ്യം ഡൌണ്‍ലോഡ് ചെയ്യേണ്ട അപ്ലിക്കേഷന്‍റെ URL പ്ലേസ്റ്റോറില്‍ നിന്നും കോപ്പി ചെയ്തെടുക്കുക. ഇതിനു ഈ അപ്ലിക്കേഷന്‍ വെറുതെ ഗൂഗിളില്‍ സെര്‍ച്ച്‌ ചെയ്താല്‍ മതി.



സ്റ്റെപ്പ് 2. ഇനി ഈ ലിങ്കില്‍ പോകുക http://apps.evozi.com/apk-downloader. ഇവിടെ കാണുന്ന ടെക്സ്റ്റ്‌ ബോക്സില്‍ മുമ്പ് കോപ്പി ചെയ്ത URL പേസ്റ്റ് ചെയ്തു ‘Genereate Download Link’ ല്‍ ക്ലിക്ക് ചെയ്യുക. കുറച്ചു സമയം കാത്തു നില്‍ക്കുക.



സ്റ്റെപ്പ് 3. തുടര്‍ന്ന് താഴെയായി ഒരു ഡൌണ്‍ലോഡ് ലിങ്ക് പ്രത്യക്ഷപ്പെടും. അതില്‍ ക്ലിക്ക് ചെയ്തോളൂ. apk ഫയല്‍ നിങ്ങളുടെ ഉപകരണത്തിലേക്ക് ഡൌണ്‍ലോഡ് ആയിക്കൊള്ളും.


കടപ്പാട് : സാങ്കേതികലോകം